طالبان: د سنتکام څرګندونې د افغانستان واقعیت نه انځوروي
په قطر کې د طالبانو سفیر د افغانستان د امنیتي تحولاتو په اړه د سنتکام د قوماندان وروستیو څرګندونو ته په غبرګون کې د امریکا ادعاوې رد کړې او ویې ویل چې په هېواد کې بشپړ امنیت ټینګ دی.
په قطر کې د طالبانو سفیر د افغانستان د امنیتي تحولاتو په اړه د سنتکام د قوماندان وروستیو څرګندونو ته په غبرګون کې د امریکا ادعاوې رد کړې او ویې ویل چې په هېواد کې بشپړ امنیت ټینګ دی.
د فارس خبري اژانس د راپور له مخې، سهیل شاهین ویلي چې د افغانستان د وضعیت په اړه قضاوت باید د میداني واقعیتونو پر بنسټ وشي.
هغه د امنیتي ګواښونو په اړه راپورونه رد کړل او ویې ویل چې خلک د هېواد په ټولو برخو کې عادي ژوند کوي او د ځینو رسنیو راپورونه د افغانستان د حقیقت استازیتوب نه کوي.
شاهین له نړیوالې ټولنې وغوښتل چې د بېاساسه راپورونو او مغرضانه برداشتونو پر ځای افغانستان ته سفر وکړي او له نږدې امنیتي وضعیت وارزوي.
تر دې وړاندې د امریکا د مرکزي قوماندانۍ لوی درستیز براد کوپر د سنا یوې غونډې ته ویلي وو چې افغانستان لا هم د ترهګریزو فعالیتونو او سیمهییزو امنیتي ګواښونو د څارنې لپاره د واشنګټن له اصلي تمرکزونو څخه دی.
