تخار کې ترافیکي پېښه کې ۸ کسان مړه شوي

د تخار په کلفګان ولسوالۍ کې د یوې ترافیکي پېښې له امله اته کسان وژل شوي دي.

د طالبانو تر کنټرول لاندې باختر خبري اژانس راپور ورکړی چې پېښه تېره شپه د کلفګان ولسوالۍ په ګزیستان سیمه کې شوې ده.

په تخار کې د طالبانو د امنیه قوماندانۍ مسوولانو ویلي، پېښه هغه مهال رامنځته شوه چې یوه باروړونکې موټر له سړک څخه ووت او چپه شو.

د طالبانو چارواکو ویلي، د پېښې ټپیان د تخار ولایتي روغتون ته لېږدول شوي دي.