د میناب زدهکوونکو امریکايي زدهکوونکو ته لیک واستاوه + ویډیو
د ایران د هرمزګان ولایت د میناب ښار یوه زدهکوونکي د نوي ښوونیز کال د پیل په مراسمو کې امریکايي زدهکوونکو ته د سولې او د ښوونځیو د خوندیتوب په اړه یو لیک ولوست.
د نوي ښوونیز کال د پیل مراسم د میناب ښار د «شجره طیبه» ښوونځي کې ترسره شول او یوه زدهکوونکي د ټولو مینابي زدهکوونکو په استازیتوب دغه لیک په انګلیسي ژبه ولوست.
په لیک کې امریکايي زدهکوونکو ته ویل شوي چې ټول زدهکوونکي د ښوونځي د لومړۍ ورځې احساس پېژني؛ نوی کتابچه، د نویو پاڼو بوی او له ملګرو سره بیا لیدل.
په لیک کې راغلي چې د تېر کال د کب په نهمه، د میناب د شجره طیبه لومړنی ښوونځی چې له ماشومانو ډک و، د یوه پوځي برید هدف وګرځېد.
د لیک له مخې، له ۱۲۰ ډېر ماشومان خپلو کورونو ته بېرته ستانه نه شول او په ټولیز ډول، په ایران کې د وروستیو دوو جګړو پر مهال ۲۷۷ زدهکوونکو ونه شوای کولای خپلې زدهکړې بشپړې کړي.
په لیک کې پوښتنه شوې چې ایا ښوونځی باید تل د ماشومانو لپاره خوندي ځای نه وي؟
د میناب زدهکوونکو ټینګار کړی چې ماشومان باید په جګړه کې هېڅکله هدف ونه ګرځي او پر ښوونځي برید «ستراتیژي نه، بلکې جنایت» دی.
