دکابل اسلام اباد اړیکې په ښه کیدو دی
عمرزاخیلوال پخپلې وینا کې وئیلی ، په افغانستان کې دسولې اوامنیت له ټینګیدو پرته له مینځنۍ آسیا سیمې سره د پاکستان مځکنۍ اړیکې هیڅ ا مکان نه لری .
ایرنا خبری آژانس د اوصاف ورځپاڼې له قوله راپورورکړی ، په پآکستان کې د افغانستان سفیر عمر زاخیلوال د پآکستان افغانستان دخبرواترو دکړچار په باب په یولړ دستورو کې دپاکستان او افغانستان د دوهمې مرحلې دخبرواترو دکړچارونو او مشاهداتو په باب ووئیل ، دکابل اسلام اباد اړیکې به ډیر زر ښې او رغنده شی .
عمرزاخیلوال پخپلې وینا کې وئیلی ، په افغانستان کې دسولې اوامنیت له ټینګیدو پرته له مینځنۍ آسیا سیمې سره د پاکستان مځکنۍ اړیکې هیڅ ا مکان نه لری .
هغه وئیلی ، افغانستان له امنیت او ثبات پرته د پراختیا اوپرمختګ پل نشی کیدلی ،بلکې په دغه هیواد کې دامن وضعیّت به دیوه سوله ایز او کرار پاکستان ضمانت وی.
له بلې خوا په واشنګټن کې د پاکستان سفیر چوهدری اعزاز احمد هم وئیلی دی ، دافغانستان حکومت باید د سولې په خبرواترو کې ټوله ډلې ټپلې شریکې کړی او طالبان هم باید په دغو خبرواترو کې ګډون وکړی .
هغه زیاته کړې افغانستان د مالی فساد ،دنشه ایزوتوکو دقاچاق ، او د ورانکارو او مافیائی ډکرو دفعالیتونو دشتون په څیر له ډیرو مشکلاتو سره لاس اوګریوان دی او په افغانستان کې هره یوه پیښه چې رامینځةکیږی ، نو پر پاکستان تور لګوی ، حال دا چې دمونږ پوځ له ترهه ګرۍ سره په مبارزې کې ډیر بریالیتوبونه ترلاسه کړی دی او وسله وال اورپکې ئې کلابند او بې لاس اوپښو کړی دی .
داپه داسې حال کې دی چې څو ورځې مخکې د افغانستان یو لوړپوړی پلاوی دپاکستان له لوړپوړو چارواکو سره دخبرواترو لپاره اسلام اباد ته تللی ؤ چې نن هم په همدې مناسبت دپآکستان د خارجه وزارت دلوړپوړو چارواکو یو پلاوی کابل ته تللی څو د امنیتی مسئلو په باب د افغانستان له لوړپوړو چارواکو سره خبرې اترې او بحثونه وکړی .
