د ټاپي ګیس پروژه سبا په هرات کښې افتتاح کیږي

د افغانستان ولسمشر د ټاپي د ګیس پروژې په افتتاحیه مراسمو کښې د ګډون په موخه هرات ولایت ته ورسید.

آوا خبري آژانس لیکلي چې ټاکل شوې ټاپي پروژه سبا د افغانستان له ولسمشر محمد اشرف غني سربیره، د ترکمنستان د ولسمشر قربان قلي بردي محمد اف، د پاکستان د وزیراعظم شاهد خاقان عباسي او د هندوستان د خارجه وزیرې سشما سواراج په شتون سره د افغانستان په خاوره کښې په رسمي توګه پرانیستله شي.

افغانستان، پاکستان او هندوستان ته د ترکمنستان د ګیس د انتقال پایپ لاین په ټاپي مشهور دی.

د دې پروژې له مخې ټاکل شوې چې په کال کښې ۳۰ میلیارډ مکعب میټره ګیس د افغانستان له لارې پاکستان او هندوستان ته منتقل شي.