په افغانستان کې د امریکا دپرمختګ هیڅ نښې نښانې نه ښکاری
د امریکا د کانګرس د وسلوال ځواک دچارو د کمیشن په یوې اعلامیې کې وئیل شوی دی ، امریکا له شپاړسو کلونو راهسې تراوسه پورط په افغانستان کې په جنګ کې ښکیله ده او دامریکا بریاوې هم دشکونو په شپول کې دی او په دغه هیواد کې د امریکا د پرمختګ په باب هیڅ روښانه نښه نه لیدل کیږی .
زمونږخبریال راپور راکړدغه کمیشن دامریکا دپوځ دمرکزی قوماندې مشر جنرال جوزف ووټل ته په خطاب کې وئیلی دی ، دامریکا دنوی سټراتژۍ په اساس، په افغانستان کې د امریکائی عسکرو شمیر څوارلس زره تنو ته رسیدلی ، خو له ډیرو زیاتو ځانی او مالی پانګونې سره سره ، دپرمختګ کومه روښانه نښه نه ښکاری .
دم ګړۍ په افغانستان کې په لسګونو زره امریکائی عسکر دیره دی او واشنګټن چارواکی ئې د زیاتولو هڅه کوی .
له ترهه ګرۍ سره دمبارزې په پلمه په افغانستان کې له ۲۰۰۱کال راهسې دامریکا پوځی شتون ،تراوسه پورې د لسګونو زره عامو افغانانو له وژلو او د دغه هیواد دبیخ بینائی تاسیساتو له تباه کولو پرته بله بریا نه ده درلودلې او په افغانستان کې ناکراری هم ورځ تربلې لاپسې په زیاتیدا دی .
