د افغانستان د ولسي جرګي انتخابات بیا وځنډیدل
د افغانستان د انتخاباتو کمیشن یوځل بیا د دغه هیواد د ولسي جرګې د انتخاباتو د ترسره کیدو نیټه بدله کړه.
د تسنیم خبري آژانس د خبر له مخې د افغانستان د انتخاباتو د کمیشن غړي سید حفیظ ا... هاشمي نن وویل: د افغانستان د پارلیمان او ولایتي شوراګانو انتخابات به د روان کال د اکتوبر په شلمه نیټه ترسره شي او دا نیټه به بدله نه شي.
له دې مخکښې د افغانستان د انتخاباتو کمیشن د ولسي جرګې او د ولایتي شوراګانو د ټاکنو نیټه د جولایۍ اومه اعلان کړې وه.
د افغانستان د اساسي قانون له مخې د دغه هیواد د پارلیمان کاري پړاؤ د ۱۳۹۴ په پسرلي کښې پاې ته رسیدلې وه خو غړي یې د افغان ولسمشر اشرف غني د یو حکم له مخې همهغه شان خپل کار جاري ساتي.
د افغانستان د ولسي جرګې مشر عبدالرؤف ابراهیمي د دغه ارګان د انتخاباتو د ترسره کیدو د نیټې د بدلون په هکله وویل چې دا کار د منلو نه دی او د انتخاباتو د کمیشن مسئولان یې باید ځواب ورکړي.
