امریکا له طالبانو سره خبرو ته چمتو ده

زمونږخبریال وایی امریکا ویلی دی چې دافغانستان له طالبانو سره خبرو ته تیاره ده او زیاته کړی یې ده چې دافغانستان مسله باید د هیواد د خلکو له خوښې او د دغه هیواد دمشرانو تر څارنې لاندې وی او دامنیت دټینګولو لپاره د پاکستان مرسته هم ضروری ده .

دافغانستان د حکومت او دطالبانو ترمینځ د څو ورځې موقته اووربند له اعلانیدا وروسته اوس امریکا هم ویلی دي چې دغه هیواد له طالبانو سره خبرو ته چمتو ده  .

دامریکا یوې لوړرتبه چارواکی لیزا کرټس ویلی دی امریکا له طالبانو سره دافغانستان دحکومت استازی توب نه کوی بلکې یوازې په خبرو کښې به ګډون وکړی .

هغې وویل په افغانستان کښې د سولې په خبرو کښې دپاکستان د اندیښنو ختمول ډیر اهمیت لری او مونږ د سولې په زمینه کښې له پاکستانه مرسته غوښتی ده او زیاته یې کړه دسولې په هرډول  خبرو کښې به دپاکستان دګټو خیال وساتل شی .