حصارک کې د طالبانو ۱۵ عناصر ووژل شول
د ننګرهار چارواکو د دې ولایت په حصارک ولسوالۍ کې د ۱۵ طالب عواملو د وژل کیدو خبر ورکړی.
د ننګرهار د والی ویاند عطالله خوکیاڼی خاورمیانه خبری اژانس ته وویل: د ننګرهار ولایت د حصارک ولسوالۍ په میاګانو سیمه کې تېره شپه د ملی امنیت ځآنګړو ځواکونو د طالبانو پر یو پټنځای عملیات ترسره کړی،چې په ترځ کې ۱۵ طالبان ترهګر وژل شوی او همدا راز د دوی ګڼ شمیر وسلې او مهمات له منځه وړل شوی دی .
د خوګیاڼی په خبره د ترسره شوو عملیاتو پر مهال یو طالب ژوندی هم نیول شوی دی، او همدا راز د هوایی ځواکونو له لورې د وسله والو طالبانو پر یو شمیر نورو پټنځایونو هم بریدونه شوی، چې له امله یې درنه مرګ ژوبله اوښتې او کره شمیره به یې وروسته شریکه شی .
د ملی امنیت ځواکونو له لورې د ورکړل شویو معلوماتو له مخې په دې عملیاتو کې ملکی وګړو او امنیتی ځواکونو ته کوم زیان ندی اوښتی .