دافغانستان وضعیـت ولې ورځ تربلې ترینګلی کیږی؟ (یوبشپړریډیوئي تحلیل)

که د داعش په باب دعبدا... عبدا... خبرې سمې وی ، نو بیا باید دافغانستان هغه درست شخصیتونه او دپارلیمان استازی محاکمه شی چې ځانونه ئې دافغانستان په ختیځی اوشمالی ولایتونو کې دامریکائی چورلکو په وسیله داعشیانو سره دمرستو رسونې د عینی شاهدانو په توګه معرفی کړی دی .

 دافغانستان  امنیتی وضعیّت  د  پخوا په څیر  لا پسې ترینګلی  کیږی ،که څه هم  په لسګونو زره بهرنیو عسکرو په شمول  پکې ډیر زیات امنیتی ماموران  دندې ترسره کوی .

 زمونږخبریال راپور راکړ  په داسې حال کې  چې  د افغانستان دغزنی ولایت  دشخړې ډیر وخت نه تیریږی ،  په ولسی جرې اوولایتی شورا او د ولسوالیو په شوراګانو کې  دځینو ولایتونو استازو د خپلو ولایتونو  او ولسوالیو  دنسکوریدا او د طالبانو د حملو دزیاتیدا  خبر ورکړی  او له بده مرغه  په تیرو څو کلونو کې   په ځینو ولایتونو کې  دغه شان اندیښنې   سمې ثابتې شوی هم دی . که  دافغانستان   دامنیتی  اورګانونو د چارواکو  کمزورتیاؤ ته لږ پام وشی ، نو  ممکنه ده  د غزنی یا کندوز د ولایتونو په څیر د نورو ولسوالیونسکوریدا   هم ترسترګو شی او د دغې غمیزې دلیلونه  ممکنه  ده لازیات وی .   له یوه عام افغانی رانیولې تر یوه نامتو شناندی پورې ،  ځینی دلیلونه  زیاتره افغانان ښه  ګڼی  او واقعیّت دا دی چې  دافغانستان حکومت او  د دغه هیواد نظام   نه یوازې په  امنیتی برخې کې ،بلکې   په هرې برخې کې په تیره بیا  په سیاسی برخې کې  په بشپړ ډول  بې وسه اوناکام شوی دی ، چې  د  دغه هیواد دملی امنیت د وخت سلاکار حنیف اتمر  استعفی ئې  یو واضح مثال دی ،  او له دې لابدتره  دا چې  دافغانستان  چارواکی  پخپلو بې وسیو اوکمزوریو او  دامریکائی پوځیانو پر جنایتونو نه یوازې اعتراف  نه کوی ،بلکې  حقایق اوخپلې تیروتنې  او  دامریکائی عسکرو جنایتونه توجیه کوی هم  .  په داسې حال کې چې   د چورلکو په  وسیله  د داعشیانو ته  د مرسته رسونې ویډیو ئی کلیپونه  اوفلمونه   په ټولنیزو چینلونو کې  نندارې ټه وړاندې  شوی  او  د ا فغانستان د ملی وحدت حکومت داجرائی شورا  دمشر عبدا..عبدا...  پشمول  د دغه هیواد حکومت  چارواکی  داعشی  تکفیریانو ته  دمرسته رسونې  په باب د روسیې د خارجه وزارت  دمرستیال څرګندونې ردوی  او وائی چې  دا له پلمو زیات څه  نه دی ، څو  په افغانستان کې   خپل  یو شمیر اقدامات توجیه کاندی .

ډیری شناندی وائی که  د روسیې پشمول د  هر یوه هیواد له خوا کومه پلمه لټول کیږی، که  د روسیې  دمرستیال خارجه وزیرڅرګندونې سمې نه وی،نو په دې زمینې  کې  د روسیانو پشمول  دغه شان پلمو لټول   رد او محکوم دی،البته باید  دافغان چارواکو له خوا په افغانستان د  امریکا بې رحمه یرغلونه ،   او د امریکائی پوځیانو په ړندو بمباریو کې  د عامو افغانانو قتل عام  هم  ایشوا او سخت ورټل شی  او  دامریکایانو په جنایتونو او   له داعشیانو سره دهغوی  په مرستو رسونې سترګې پټې نشی . که   دافغانستان په سیاسی اوپوځی نظام کې  موجوده بحران له یوې منظمې دسیسې سرچینه نه اخلی ، نو  بیا د  افغانستان د  حکومت  داصلاح او دکمزورتیاؤ د مخینوی لاره چا تړلې ده .؟

دغه   شناندی او کارپوهان دغه راز  وائی ، که   دافغانستان په حکومت او نظام کې  سترې کمزورتیاوې نه وی ،نو بیا ولې  د دغه هیواد امنیتی اوسیاسی حالات ورځ تر بلې ترینګلی کیږی  او هره ورځ له تیرې ورځې بدتره اوتورتمه  وی .؟   که د داعش په باب  دعبدا... عبدا...  خبرې سمې وی ، نو بیا باید دافغانستان  هغه درست شخصیتونه او  دپارلیمان استازی  محاکمه شی  چې ځانونه ئې  دافغانستان په  ختیځی اوشمالی ولایتونو کې  دامریکائی  چورلکو په وسیله  داعشیانو سره دمرستو  رسونې د عینی شاهدانو په توګه معرفی کړی دی .  دافغانستان جنګ اوس  یوې داسې مرحلې ته داخل شوی دی ، چې  په غلطو توجیهاتو  اوناسمو څرګندونو  او دخولې په شخړو سره  دامریکا  جنایتونه نشی پټول کیدلی او   ملت  ته نور ډاډ نشی ورکولی ، چې  که  په افغانستان کې  د  روان جنګ دختمولو لپاره د امریکا نه اراده او جنایتونه  سم نه وی ، نو اوس  د  افغانستان  په پارلیمان  او  ځینو ولایتی شوراګانو کې  به استازو  نه وئیل ،  چې  د ځینو ولایتونو مرکزونه او ولسوالۍ  دنسکوریدا  له خطرې سره مخامخ دی ؟ دامریکا په  اولس کلن پوځی شتون  او د کابل واشنګټن  ترمینځ دامنیتی تړون له لاسلیک کیدا  سره سره ، ولې  په افغانستان کې  امنیت ټینګ شوی نه دی ؟   همداوس ، ولې   دافغانستان نیمه خاوره  د وسلوالو مخالفانو  په نیواک کې ده .؟  باید  دغو پوښتنو ته سم ځوابونه ورکړل شی .

(لیکوال: عاشق حسین طوری )