په افغانستان کې خبریالانو ډیر زیانونه لیدلی دی
د افغانستان د خبریالانو مرکز موندنې ښیی چې په ۱۳۹۷ لمریز کال کې د خبریالانو په وړاندې د تاوتریخوالی ۹۲ پېښې ثبت شوې دی.
زمونږخبریال له کابله راپور راکړ د افغانستان د ولسمشر دوهم مرستیال سرور دانشپرون دخبریالانو د ورځې په مناسبت په یوې ناستې کې پخپلې وینا کې په روان لمریز کال کې د افغان خبریالانو پر وړاندې د تاوتریخوالو راپورونه ټکان ورکوونکی ګڼلی او د خبریالانو په خوندیتوب یی ټینګار ککړی دی .
سرور دانش وئیلی دی د بیان ازادی د نورو مدنی ارزښتونو د ټینګېدو اصل دی
ښاغلی دانش ویلی د ډېرې خواشینۍ ځای دی چې لږ تر لږه ۱۸ خبریالان وژل شوی، خو باید د خبریالانو له ورځې په الهام سره د خبریالانو د خوندیتوب لپاره د دوی وضعیت ته جدی پام وشی.
د افغانستان د خبریالانو مرکز موندنې ښیی چې په ۱۳۹۷ لمریز کال کې د خبریالانو په وړاندې د تاوتریخوالی ۹۲ پېښې ثبت شوې دی.
دغه مرکز وایی، پهدغه کال کې د ډول ډول تاوتریخوالی له امله ۱۸ خبریالان او دوه د رسنیو کارکوونکی وژل شوی دی.راپور ښیی چې سږ کال دخبریالانو هدفی وژنې ډېرې وې.
دا پهداسې حال کې ده چې تر دې مخکې د ژورنالېستانو نړیوال فدراسیون ویلی چې په ۲۰۱۸ میلادی کال کې په هدفی وژنو، بمی چاودنو او جګړو کې ۹۴ ژورنالېستان او د رسنیو کارکوونکی وژل شوی دی.
که څه هم له تېرو ۱۵ کلونو راهیسې افغان خبریالان او رسنۍ د زور زیاتی کوونکو د معافیت له امله ځورېدلی، خو دوی وایی د دغه ناوړه فرهنګ سره مبارزې ته ژمن دی.
