قندهار کښې دوو پولیسو پر خپلو همکارانو ډزې وکړې

دوو افغان پولیسو په قندهار ولایت کښې پر خپلو ملګرو باندې په حملې سره ۱۱ تنه ووژل.

آوا خبري آژانس لیکلې دي چې د قندهار د پولیسو ویاند وویل: دغو دوو نفوذي پلیسو بیګا شاه ولي کوټ ولسوالۍ ته څیرمه په داماني سیمه کښې د پولسو په یوې اډې کښې پر خپلو ملګرو ډزې وکړې چې له امله یې یوولس تنه ووژل شول.

جمال بارکزي زیاته کړه: د پولیسو د دغه مرکز قومندان سیف ا... هم په وژل شویو کښې شامل دی او بریدګر له حملې وروسته تښتیدلې دي.

یوې امنیتي سرچینې چې د نوم د نه څرګندیدو غوښتنه یې کړې، وویل چې د طالب ډلې دغه دوه نفوذي بریدګر د پولیسو په لیکو کښې شامل شوې دي.

خو طالب ډلې په دې اړه تراوسه هیڅ نه دي ویلې.