اسلامی ایران د افغانستان سوله خپله سوله ګڼی
ددغې لیدنې کتنې موخه بین الافغانی خبرواترو ته د افغان لورو هڅول او د خبرواترو له لارې د درستو شخړو اوترینګتلیاؤ د حل لارې ترلاسه کول اعلان شوی دی .
زمونږخبریال راپورراکړ د ایران د اسلامی جمهوریت خارجه وزیر محمد جواد ظریف په تهران کې د افغانستان د طالبانو د سیاسی دفتر د مضر ملابرادر اخوند په مشرۍ ددغې ډلې له لوړپوړی پلاوی سره په کتنې کې افغانستان ته د سولې د بیرته ستنیدا هیله ښودلې ده . دغه لیده کاته د افغانستان له ولسمشر ، د اجرائی شورا له مشر ، او نورو لوړپوړو چارواکو ، د سولې دعالی شورا ،جهادی رهبرانو او اغیز شیندونکو او او موثرو شخصیتونو پشمول له مختلفو مسئولانو او سیاستوالانو سره د ایران د خارجه وزیر د ځانګړي استازي د لیدوکاتو په دوام کې شوي او یو ځل بیا په افغانستان کې د سولې او ثبات د ټینګیدو لپاره د دغو هلو ځلو پر دوام ټينګار شوی دی .
راپورښئ ددغې لیدنې کتنې موخه بین الافغانی خبرواترو ته د افغان لورو هڅول او د خبرواترو له لارې د درستو شخړو اوترینګتلیاؤ د حل لارې ترلاسه کول اعلان شوی دی .
له افغانستانه د بهرنیو عسکرو په ویستلو کې د ملګرتیا د ګډ پړآؤ د ترلاسه کولو لپاره له درستو افغان ځواکونو ملاتړ،د بهرنیو عسکرو له وتلو وروسته د افغانستان امنیت ، دحکومت او درستواغیز شیندونکو سیاسی لورو په ګډون سره د بین الافغانی خبرواترود ترسره کولو او پیاوړی کولو د هلو ځلو لپاره د اسلامی ایران آمادګی او د ګاونډیتوب د ګډو ګټو په اساس ، دافغانتسان له ولس او هیواد سره د اقتصادی او کلتوری ملګرتیاؤ د پراختیا لپاره چمتووالی ، ددغو لیدوکاتو چورلیزونه اعلان شوی دی .
