د افغانستان په شمال کښې طالبانو ته مړینه
Jan 30, 2020 10:29 Asia/Kabul
د افغانستان د دفاع وزارت د دغه هیواد د امنیتي ځواکونو او پوځیانو لخوا په شمالي ولایت بلخ کښې په یوې حمله کښې د لسګونو طالبانو د مړینې خبر ورکړ.
زمونږ د خبریال د راپور پر اساس، د افغانستان د دفاع وزارت په یوه بیانیه کښې خبر ورکړی چې پوځیانو تیره شپه د بلخ ولایت په مرکز مزار شریف کښې په طالبانو باندې حمله وکړه چې په نتیجې کښې د طالبانو پنځه څلویښت غړي مړه او ۳۲ نور غړي نیولې شوي دي.
په دغه بیانیه کښې راغلې په دغه حمله کښې د طالبانو د نشه ایزو توکو د جوړولو فابریکه هم ویجاړه شوې ده.
د افغانستان د دفاع وزارت د دغې بیانیې پر اساس، په دغه عملیاتو کښې همداشان له طالبانو څو کلي(حودکی، حسین خیل، چهارسنګ، سمرقند او بوک) هم نیولې شوي دي.
ټیګونه
