د طالبانو بندیان په ډلو ډلو نه، بلکې ټول یوځاي خوشي شی
د افغانستان ولسمشر په همداوروستیو کې دیوه فرمان په صادرولو سره دیو زر پنځه سوه طالبانو د خوشی کولو سره موافقه کړې او وئيلی ئې دي نور پاتې درې نیم زره طالب بندیان به له بین الافغاني خبرو وروسته خوشي شي ، خو طالبانو دغه پلان رد کړی او وئيلي ئې دي تر څو چې درست پنځه زره طالب بندیان خوشي نشي ، دغه ډلې ډلې خوشي کیدا نه مني اوتر هغه وخته پورې به بین الافغاني خبرو کې ګډون ونه کړي .
تسنیم خبری آژانس راپورورکړ په قطر کې د طالبانو ډلې دسیاسي دفتر ویندوي سهیل شاهین پرون ناوخته وئيلي دي د طالبانو ډلې له خوا د افغانستان دکابل حکومت ته له بندونو ددغې ډلې د غړو د ورکړل شوي لیسټ په اساس د درستو کسانو د خوشي کیدا غوښتنه کړې ده ، نه دا چې په ډ لو ډلو طالبان دې خوشي شي ..
د طالبانو ډلې دسیاسی دفتر ویندوي همداراز ټينګار کړی ،کله د دواړو خواؤ د بندیانو د خوشي کیدا کار ترسره شي ،نو هاله به بین الافغاني خبرې پیل شي .
وروستی راپورنه ښئ له طالبانو ډلې سره د بین الافغاني خبرو په موخې سره د افغانستان حکومتي پلاوی چې قطر ته تللی ؤ،بیګا بیرته له خبرو پرته کابل ته ستون شوی دی .
د افغانستان ولسمشر په همداوروستیو کې دیوه فرمان په صادرولو سره دیو زر پنځه سوه طالبانو د خوشی کولو سره موافقه کړې او وئيلی ئې دي نور پاتې درې نیم زره طالب بندیان به له بین الافغاني خبرو وروسته خوشي شي ، خو طالبانو دغه پلان رد کړی او وئيلي ئې دي تر څو چې درست پنځه زره طالب بندیان خوشي نشي ، دغه ډلې ډلې خوشي کیدا نه مني اوتر هغه وخته پورې به بین الافغاني خبرو کې ګډون ونه کړي .
