له سولې وروسته په افغانستان کې دبهرنیو عسکرو ضرورت نشته
د افغانستان حکومت نن سل طالب بندیان خوشي کوي ، خو په هغو کې ددغې ډلې مهم کمانډران او مسئولان نشته .
تسنیم خبری آژانس راپور ورکړی، د افغانستان د ولسمشر ځانګړي سلاکار وحید عمر نن په ارګ کې په یولړ څرګندونو کې وئيلي دي ، په دغه هیواد کې د سولې له ټينګیدو او د نښتو له ختمیدو وروسته ، په افغانستان کې د بهرنیو عسکرو شتون ته هیڅ اړتیا نه لري .
د افغانستان د ولسمشرۍ د ارګ د عمومي اوسټراټژيکو اړیکو د برخې مشر دغه راز وئيلي دي ، ددغه هیواد حکومت دبین الافغاني خبرواترو د پيلیدا لپاره لازم اقدامات کړي او اوس د طالبانو ډلې وار دی ، څو له حکومت سره خبرې اترې پيل کړي .
دغه لوړپوړي افغان چارواکي وئيلي دي ، که افغانستان سولې ته ورسیږي ، نو له دې وروسته به دامریکایی او نورو بهرنیو عسکرو شتون ته ضرورت ونه لر ي.
په داسې حال کې چې ځينو سرچینو چې په کابل کې ئې د طالبانو او کابل حکومتي لوري ترمینځ د خبرواترو د دریدا خبر ورکړی،له کابله ئې راپور ددې ښودنه کوي ، د افغانستان حکومت نن سل طالب بندیان خوشي کوي ، خو په هغو کې ددغې ډلې مهم کمانډران او مسئولان نشته .
د افغانستان رسمي چارواکو یا طالبانو ډلې تر دې دمه د سلو بندي طالبانو د خوشي کیدا د راپور په باب کوم غبرګون نه دی ښودلی .
