په بادغیس اوبلخ کې په لسګونو وسلوال طالبان وژل شوي
په همداوروستیو کې له یوه پلوه وسلوال طالبان له بندونو خوشي کیږي او بل پلوه د افغان امنیتی مامورانو او وسلوالو طالبانو ترمینځ اخ وډب په زیاتیدا شوی چې زیات شکونه ئې رامینځةکړي دي .
زمونږخبریال له کابله راپور راکړ د افغانستان دفاع وزارت نن دېوې اعلامیې په خپرولو سره وئیلي دي ،د بادغیس ولایت په شاوخوا قلعه نو او قادس لاره کې د افغان ملی اردو او طالبانو ترمینځ په سختې نښتې کې اوه طالبان وژل شوي او یولس نور ټپيان شوي دي .
ددغه راپور په اساس ، همداراز په بادغیس کې د یوه ماین دچاودیدو له امله پنځه وسلوال طالبان وژل شوي او یولیس نور ټپیان شوي دي .
همداراز په یوه بل راپور کې وئيل شوي دي ، په بلخ ولایت کې هم د امنیتي مامورانو او طالبانو ترمینځ په اخ وډب کې دولس وسلوال طالبان وژل شوي او یو شمیر نور هم ټپیان شوي دي . دغه راز د طالبانو یو شمیر وسله او تجهیزات هم دامنیتی مامورانو منګولو ته ورغلي دي .
دغه راز یو بل خبر ښئ په پکتیا ولایت کې هم ناپيژاندو وسلوالو دوه حکومتي مسئولان وژلي دي. د پکتیا د والی ویندوي عبدا... حسرت نن سهار وئيلي مخ پټو وسلوالو بیګا دملی امنیت یو لوړ پوړی مسئول او د ګردیز ښاروالۍ یو بل مسئول په ډزو وژلی دي .
په همداوروستیو کې له یوه پلوه وسلوال طالبان له بندونو خوشي کیږي او بل پلوه د افغان امنیتی مامورانو او وسلوالو طالبانو ترمینځ اخ وډب په زیاتیدا شوی چې زیات شکونه ئې رامینځةکړي دي .
