طالبانو په لوګر کې نهه افغان پوځيان ووژل
دکندهار او هلمند ولایتونو په میانشین او ګرشک ولسوالیو کې هم د افغان عسکرو او طالبانو ترمینځ په نښتو کې د دغې ډلې دیوه مشر مولوي محمود پشمول نهه وسلوال طالبان وژل شوي او لس نور ټپیان شوي دي .
زمونږ خبریال راپورراکړ د افغانستان دفاع وزارت نن د یوې اعلامیې په خپرولو سره وئیلي دي ، طالبانود لوګر ولایت په څرخ ولسوالۍ کې په پوځي پستو یرغلونه کړي ، چې له امله ئې نهه افغان پوځیان وژل شوي او یو شمیر نور هم ټپیان شوي دي .
په دغې ا علامیې کې وئيل شوي دي ، په دغو نښتو کې طالبانو ته هم مرګ ژوبلې اوښتي دي .
همداراز وئيل شوي دي،دکندهار او هلمند ولایتونو په میانشین او ګرشک ولسوالیو کې هم د افغان عسکرو او طالبانو ترمینځ په نښتو کې د دغې ډلې دیوه مشر مولوي محمود پشمول نهه وسلوال طالبان وژل شوي او لس نور ټپیان شوي دي .
همدرااز په دغو عملیاتوکې افغان پوځیانو پخپلو عملیاتوکې اوه ویشت ماینونه هم دغه راز یو شمیر نور تجهیزات هم کشف او ضبط کړي دي .
