دوحې ته د افغان حکومت دمزاکراتی ټیم سفر وځنډیده
يو شمېر سرچينو ويلي چې د نامعلومو دلايلو له کبله دغه سفر ځنډېدلی دی.
د افغانستان د ملي امنيت شورا وايي، د بنديانو د خلاصون بهير پای ته رسېدلی او بايد سمدستي مخامخ بينالافغاني خبرې پيل شي.
د افغانستان د ملي امنيت شورا دفتر پر خپل ټوېټر ليکلي، د افغان حکومت اړوند کومانډويان او د طالبانو پاتې بنديان خوشي شول او يوازې هغه زندانیان پاتې دي چې نړيوال يې په تړاو اندېښنې لري.
د امنيت شورا دفتر ويلي، د دغو بنديانو د خلاصون لپاره هم ديپلوماتيکې هلې ځلې روانې دي.
له بل لوري ته ټاکل شوې وه، د افغانستان حکومت مذاکراتي پلاوی دوحې ته سفر وکړي خو يو شمېر سرچينو ويلي چې د نامعلومو دلايلو له کبله دغه سفر ځنډېدلی دی.
د بندیانو په خلاصون کې ځنډ د سولې خبرو پر وړاندې اصلي او مهم خنډ بلل کېده خو اوس چې دغه پروسه پای ته ورسېده د سولې مخامخ بينالافغاني خبرو پيلېدو ته هيلې ډېرې شوې دي.
