پاکستان دافغانانو لپاره د ویزو د صادرولومحدودیّتونه ختم کړل
د پاکستان دسفارت د ویزو د صادرولو د امکاناتو زیاتول د افغانانو د خوشالۍ لامل شوي او وئيل کیږي،په افغانانو کې دغې چارې ښه او مثبت غبرګون درلودلی دی .
زمونږخبریال د آریا نیوز خبري آژانس له قوله راپور راکړ په کابل کې د پاکستان سفارت نن د یوې اعلامیې په خپرولو سره وئيلي دي ،په جلال آباد،کندهار،هرات او مزارشریف ښارونو کې ددغه هیواد کسنولګریۍ افغانانو ته د کنسولي خدماتو د وړاندې کولو لپاره تیارې دي .
په دغې اعلامیې کې راغلي دي،د افغانستان د ځينو هغو خلکو لپاره په پاکستان کې تریوې مودې پورې د پاتیکیدا ویزې هم صادریږي،چې ددرملنې،له کورنیو سره دلیدوکاتو،تجارت او یا د زده کړې لپاره هغه هیواد ته ځي .
له دې مخکې پاکستان د افغانستان د ښاریزو لپاره د ویزو صادریدا محدوده کړې وه .
په کابل کې د پاکستان له سفارته د ویزه اخستل په همداوروستیو کې ډيرګران کړائ شوي دي او له حده زیاته ګڼه ګوڼه، د ویزې داخستو لپاره له مراجعینو څخه د بډو رشوتونو د اخستو،او د ادارې فساد لامل شوی چې دوي تر ډیره وخته پورې په اوږدو صفونو کې دریږي او کړاؤنه ئې هم لا زیات شوي دي .د پاکستان دسفارت د ویزو د صادرولو د امکاناتو زیاتول د افغانانو د خوشالۍ لامل شوي او وئيل کیږي په افغانانو کې دغې چارې ښه او مثبت غبرګون درلودلی دی .
