ننګرهار کی دداعش ډلی دری وسله وال ووژل شول
Dec 06, 2020 11:16 Asia/Kabul
زمونږخبریال وايي د افغانستان د ننګرهار د والي ویاند عطا الله خوږیانی وایی تیره شپه دملي امنیت ادارې ځانګړو ځواکونو ددی ولایت دغني خیلو ولسوالۍ اړوند ۲۷مې ویالې په سیمه کې شپني عملیات ترسره کړي چې پکې د نوموړي پر وینا دری تنه داعش وسله وال له امنیتی ځواکونو سره د مقاومت په پایله کې ووژل شول او دوه نور ژوندي ونیول شول.
د والی ویاند وویل امنیتي ځواکونو ته دعملیاتو پر مهال دوه میله کلاشینکوف یوه تومانچه ،څودانې لاسي بمونه او ځینی هویت پاڼې هم لاسته ورغلي دي .
د ننګرهار د والي ویاند وویل په عملیاتوکې ملکی وګړو او امنیتی ځواکونو ته مرګ ژوبله نده رسیدلی.
تیره اونۍ په ننګرهار کې ولایتي چارواکو د ملی امنیت ادارې د ځانګړو ځواکونوپه شپنیو عملیاتوکې د ننګرهار لپاره دداعش ډلی له لورې دټاکل شوي والي هدایت الله د وژل کیدو خبر هم ورکړی و
ټیګونه
