ننګرهارکښې ګڼ شمېر وسلې او فوځي سازوسامانونه ونیول شول

د افغانستان د ننګرهارولايت چارواکو په  دغه ولايت کښې د ګڼ شمېر وسلو او فوځي سازوسامانونو د نيول کېدو خبر ورکړ.

د افغانستان د ننګرهار د والي ویاند عطا الله خوږیاڼي وويل، تېره شپه دملی امنیت ادارې کارکونکو د دې ولایت د مومندرې ولسوالۍ اړوند د ګردي غوث په سیمه کښې د شپې په عملیاتوکښې دری تنه د وسلو د قاچاق په تور نیولي دي.  د والی ویاند وویل له نیول شویو کسانو څخه سل تومانچې، زرګونه فیره د مختلفو وسلو مرمۍ او زیاته اندازه فوځي تجهیزات او همدارنګه یوه اندازه پاکستانۍ کالدارې د امنیتی کارکونکو لاسته ورغلي دي .

د ننګرهار دوالي ویاند وویل  نیول شوي کسان د نورو معلوماتو او داچی دا وسلې یې څنګه او له کومه ځایه راوړي تر لاسه کولو په هدف تر توقیف او پوښتنو لاندې دي.