په بګرام هوايي اډې راکټونه ویشتل شوي دي

تسنیم خبري اژانس وايي په افغانستان کښې د امریکا د ترهګرو عسکرو په ترټولو سترې اډې بګرام باندې پینځه (۵) راکټونه وویشتل شول .

د افغانستان د پروان د والي ویاندې «وحیده شهکار »وویل دغه پینځه (۵) راکټونه د بګرام ولسوالۍ له قلندرخیل سیمې څخه د امریکا د ترهګرو عسکرو په اډې ویشتل شوي دي .

د کابل په شمال کښې بګرام اډه په افغانستان کښې د امریکا ترټولو ستره او سمبال اډه ګڼل کیږي چیرې چې زرګونه  امریکايي عسکر دیره دي او طالبان چې له خپل هیواد څخه د واشنګټن د عسکرو د ایستلو غوښتنه کوي په ځلونو په دغه اډې حملې کړي دي .