د ټیکنالوجۍ په برخه کښې د ایران او افغانستان ملګرتیا زیاتیږي
د ایران او افغانستان د پوه بنسټه شرکتونو ترمینځ او د اکو سیسټم په برخه کښې ملګرتیا په زیاتیدو ده
د ایران او افغانستان د پوه بنسټه شرکتونو ترمینځ او د اکو سیسټم په برخه کښې ملګرتیا په زیاتیدو ده
د افغانستان د ماډرن ټیکنالوجۍ او پراختیا د صندوق مشر علي وحدت په دغه هیواد کښې د ایران له سفیر سره په کتنه کښې وویل: د روان ۲۰۲۰ کال په اکتوبر کښې ۳۲ پوه بنسټه شرکتونو د ماډرن ټیکنالوجۍ او پراختیا په اتیا سلنه ملاتړ سره، په افغانستن کښې د ایران د بریښنا، بیخ بیناؤ او مخابراتو د صنعت په نندارتون کښې ګډون وکړ او خپلې لاسته راوړنې یې وړاندې کړې.
ښاغلي وحدت وویل: د افغانستان د بریښنا صنعت په نندارتون کښې د ایران ۱۶ پوه بنسټه شرکتونو له افغانستان سره د ملګرتیا، د نمایندګیو د ورکړې او ګډې ملګرتیا د پیلولو هوکړه لاسلیک کړه.
په افغانستان کښې د ایران سفیر بهادر امینیان هم د افغانستان د خلکو د کلتور او له ایران سره د دغه هیواد د خلکو د لرغوني دیني، کلتوري او سیاسي تړاؤ په یادولو سره، د افغانستان ځوانه او محنتي پرګنه او مخ په ودې اقتصاد په دې وروستیو کلونو کښې د دغه هیواد د پراختیا لامل وباله.
