په ننګرهار کې څلور جنایتکار ترهه ګر نیول شوي دي
د نیول شوي ګروپ مشر فخرا... د خپلو اعترافاتو پر مهال وویل، له تېرو دوه کلونو راهیسې د وسله والو طالبانو اړوند د قاري خالد ګروپ غړی دی چې ورته ئې د پېښو ترسره کولو طرحه او کسانو د جذب چارې ترسره کولې.
زمونږخبریال له ننګرهاره راپور راکړ د افغانستان د ولسمشر ستر سلاکار او د ننګرهار والي ضیاالحق امرخېل نن په یولړ څرګندونو کې وئيلي دي ، دننګرهار ولایت د امنیې قوماندانۍ د تروریزم پر ضد د مبارزې پولیسو د فخر ا... په مشرۍ د وسله والو طالبانو اړوند د قاري خالد ګروپ هغه پنځه کسیزه ډله نیولي چې کابو دوه اونۍ وړاندې ئې په جلال اباد ښار کې ډاکټر میهن یوسفي سره د دوو ملګرو شهید کړی .
هغه زیاته کړه، نیول شويو کسانو اعتراف کړی چې د وسله والو طالبانو د یو سرګروپ قاري خالد له لورې ورته د یاد ډاکټر د وژنې په قضیه کې ۱۶۰ زره افغانۍ ورکړل شوې وې چې دوی د درو ریکشاوو په وسیله د ۹ کسیز ګروپ په مرسته یاده پېښه ترسره کړه.
نوموړي زیاته کړه، امنیتي ځواکونو ئې تر دې وړاندې هم د ګڼ شمېر قضیو مجرمین نیولي او د وروستیو رامینځته شویو قضیو عاملین به هم ژر ونیول شي او د قانون منګولو ته به وسپارل شي.
د نیول شوي ګروپ مشر فخرا... د خپلو اعترافاتو پر مهال وویل، له تېرو دوه کلونو راهیسې د وسله والو طالبانو اړوند د قاري خالد ګروپ غړی دی چې ورته ئې د پېښو ترسره کولو طرحه او کسانو د جذب چارې ترسره کولې.
