په بهسود ولسوالۍ کښې دولس وسله وال وژل شوي دي
-
فایل فوټو
دولس تنه مخالف وسله وال د میدان وردګ ولایت په بهسودو ولسوالۍ باندې د افغانستان د ملي اردو د ځواکونو په برید کښې ووژل شول
دولس تنه مخالف وسله وال د میدان وردګ ولایت په بهسودو ولسوالۍ باندې د افغانستان د ملي اردو د ځواکونو په برید کښې ووژل شول
د افغانستان دفاع وزارت وايي چې د علي پور په نامه د حکومت د یوې مخالفې وسله والې ډلې په کسانو باندې د پوځي ځواکونو د حملو له امله دولس تنه مړه شوي او شپږ یې نور ژوبل شوي دي.
د افغانستان دفاع وزارت علي پور یو غیرمسئول وسله وال قومندان ګڼي او د دغو عملیاتو وجه یې د سیمې د خلکو د سر او مال ساتنه اعلان کړې ده.
دا عملیاتو په داسې حال کښې ترسره شول چې علي پور په بهسود ولسوالۍ کښې د پوځي ځواکونو د هغې چورلکې د نسکورولو پړه منلې چې له امله يې نهه تنه مړه شوي وو.
له بلې خوا د افغانستان د ولسمشر امنیتي صلاحکار محمد محقق په بهسود ولسوالۍ کښې د وروستیو نیښتو په غبرګون کښې له دغو نښتو او په کښې دواړو لورو ته له اوښتې مرګ ژوبلې خواشیني ښودلې او ویې ویل: د افغانستان حکومت ته نه وو پکار چې د بهسود په مسئله کښې په بیړه ناکه توګه له پوځي ځواکونو کار واخلي.
