امریکې په افغانستا کښې خپله ماتې ومنله
کابل کښې د امریکې د سفارتخانې سرپرست په اول ځل اعتراف وکړ چې دغه هیواد د افغانستان په شل کلن جنګ کښې ماتې خوړلې ده.
کابل کښې د امریکې د سفارتخانې سرپرست په اول ځل اعتراف وکړ چې دغه هیواد د افغانستان په شل کلن جنګ کښې ماتې خوړلې ده.
راس ویلسن طلوع خبري آژانس ته په مرکه کښې وویل: د امریکې حکومت له دې مخکښې دې نتیجې ته رسیدلې و چې د افغانستان جنګ ستومانه کونکی دی او له بندون سره مخامخ شوی دی او واشنګټن به په دغه جنګ کښې کامیاب نه شي.
په کابل کښې د امریکې د سفارت سرپرست زیاته کړه: امریکايي چارواکي ښه پوهیدل چې و به نه توانیږي د افغانستان نښتې او جنګ او طالبان ختم کړي او له سیاسي لارو د افغانستان د مسئلې هواری یې ترټولو غوره انتخاب ګڼه.
امریکا په افغانستان کښې له شل کلن شتون وروسته په داسې حال کښې غواړي د ستمبر په یوولسمه نیټه په خوارۍ او ذلالت سره له دې خپلې جوړې کړې جبې ووځي چې په دې هیواد کښې یې هم د خپلو انډیوالانو په ملتیا لکه د سوریې او عراق ډیر جنایتونه کړي دي چې د افغانستان د خلکو او د سیمې د هیوادونو قهر یې راپارولی دی.
د ترهګرۍ پراختیا، د نشه ایزو موادو تولید، په نشې د افغان ځوانانو روږدي کول، د مظلومو خلکو وژل، د ناامنۍ او بې ثباتۍ او د رسول الله مبارک اهلبیتو ته سپکاوی په افغانستان کښې د امریکې محصول او لاسته راوړنې دي.
