افغانستان کښې د شب قدر دستورې ترسره شوې
ایرنا خبري اژانس وايي د افغانستان په بیلابیلو ښارونو کښې د قدر له فضلیت د ډکو شپو د لومړۍ شپې د احیا مراسم د روغتیايي پروټوکولونو په نظر کښې نیولو سره ترسره شول .
د افغانستان شیعه مسلمانانو د روژې د مبارکې میاشتې په نولسمه (۱۹) شپه په جوماتونو ، امامباړو او کورونو کښې د قدر د شپو د ځانګړیو اعمالو په ترسره کولو او د روغتیا وزارت د ټینګار وړ روغتیایي چارو په رعایتولو سره له خدای پاک سره راز او نیاز وکړ .
د افغانستان د پلازمینې کابل په لویدیځ کښې د یوه(۱) جومات د جمعې لمانځه امام عبدالرحیم رضواني وویل که څه هم په خلکو کښې د کورونا ویروس د نوي څپې د خپریدا په هکله اندیښنې شته خو وګړو د روغتیايي پروټوکولو او د ټولنیز واټن په رعایتولو سره په جوماتونو کښې د قدر شپې اعمال ترسره کړل .
رضواني وویل د افغانستان یوشمیر خلکو هم روغتیایي چارو ته په پام سره په کورورنو کښې له خپلو کورنیو سره یوځاې د قدر شپې اعمال ترسره کړل .
د روژې د مبارکې میاشتې نولسمه(۱۹) ، یویشتمه(۲۱) او درویشتمه(۲۳) شپه د قدر شپې دي او مسلمانان د شپې په مهال په ویښ پاتې کیدا سره په قران باندې د سر په کیښودلو ، عبادت کولو او د جوشن کبیر دعا په لوستلو سره له خپل خدای سره راز او نیاز کوي .
شب قدر داسې شپه ده چې په ټول کال کښې هیڅ شپه د هغې فضلیت ته نه رسیږي او په دغه شپه کښې عمل د زرو (۱۰۰۰) میاشتو له عمل بهتر دی او په دغه شپه د انسان د ټول کال تقدیر لیکل کیږي .
د څلویښتم(۴۰) هجري قمري کال د روژې د مبارکې میاشتې د نولسمې(۱۹) نیټې په سهار د خوارجو ډلې غړي ابن ملجم مرادي په داسې حال کښې چې حضرت امام علي علیه السلام د کوفي په جومات کښې په محراب کښې په لمانځه بوخت په زهرجنې تورې سره د هغه په سر ګوزار وکړ .
د نړۍ د شیعه مسلمانانو لومړی(۱) امام حضرت علي علیه السلام له ګوزار خوړلو وروسته په کور کښې بستری شو او دوه(۲) ورځ وروسته یعني د روژې د مبارکې میاشتې په یویشتمه (۲۱) نیټه شهید شو .
