په ننګرهار کې د داعش ډلې درې غړی نیول شوي
دافغانستان د ملي امنیت ادارې کارکوونکو په یو بل ځانګړی اقدام کې د جلال اباد ښار په اوومه ناحیه کې د وسله والو طالبانو مالي مسئول چې نوم یې نه دی اخیستل شوی له یو شمیر وسلو او تجهیزاتو سره یو ځای نیول شوی دی .
زمونږخبریال له ننګرهاره راپور راکړ ، د افغانستان د ننګرهار د والي ویاند عطا ا... خوږیاڼی نن په یولړ څرګندونو کې وئيلي ، د ملی امنیت ادارې کارکوونکو په یو ځانګړي اقدام کې په جلال اباد ښار کې دداعش ډلې درې تنه غړی ونیول .
د والي ویاند وویل نیول شویو کسانو چې په خپلو جرمونو ئې اعتراف کړی په هدفی وژنو، دمقناطیسي ماینونوایښودلو، دخلکو کورونو ته د لاسي بمونو ورغورځولو او همدارنګه د خلکو دګواښلو به جرمونو کې ککړ دي . نوموړي وویل نیول شوي کسان تر پوښتنو ګرویګنو لاندې دي او زر به عدلي او قضایي ادارو ته وسپارل شي. د ننګرهار د والي ویاند دغه راز وویل چې د ملي امنیت ادارې کارکوونکو په یو بل ځانګړی اقدام کې د جلال اباد ښار په اوومه ناحیه کې د وسله والو طالبانو مالي مسئول چې نوم یې نه دی اخیستل شوی له یو شمیر وسلو او تجهیزاتو سره یو ځای نیول شوی دی .
