د جرمني سفیر دایران خارجه وزارت ته احضار شو
سحاب – د ایران خارجه وزارت د ایران داسلامی جمهوریت د قضائي صلاحیّتونو سره په رابطه کې د برلین دځينو چارواکو په لاسوهونکو دریځونو باندې په اعتراض کې په تهران کې د جرمني سفیر احضار کړ.
سحاب چینل د ایرنا له قوله راپور ورکړی، دایران دخارجه وزارت د لویدیځي اروپا د چارو د برخې عمومی مدیر مجید نیلي احمدآبادي پرون په تهران کې د جرمني دسفیر کارکوس پوټسل په احضارولو سره ، د هغه جمشید شارمهد سره په رابطه کې د جرمني د ځینو چارواکو ناسمو دریځونو په باب چې د ترهه ګرو عملیاتو د لارښونې او منظمونې په خاطر په پانسۍ محکوم شوی ؤ ، د اسلامي ایران سخت اعتراض په سپارلو سره ووئيل؛ له شارمهد څ خه ملاتړ چې د څو ترهه ګرو اقداماتو مسئول ؤد قانون دحاکمیّت، د انساني حقوقو دملاتړ، او له ترهه ګرۍ سره د مبارزې دمقابلې په زمینې کې دجرمني د حکومت له ادعاګانو سره په تضاد کې دی.
نیلي احمد آبادي همداراز په غزې او لبنان کې د صهیونیسټي رژیم له نسل وژنې څخه د جرمني ملاتړونو ته په اشارې سره چې دهغو په سر کې له دغه رژيم سره د وسلو لیږد دی ، ووئیل؛ له بشری حقوقو سره په رابطه کې د جرمني ادعا له اسرائيلي رژيم څخه په هراړخیز ملاتړ کې چې په ډیرو نړیوالو جنایتونو په تیره بیا په نسل وژنې کې یو ډول ګډون دي ،ښکاره توپیر لري.ټول د قانون په وړاندې برابر دي او د یوه ثالث هیواد دپاسپورټ درلودل د بل هیواد قانون په وړاندې د چا مستثنی کیدا لپاره کوم مجوز نشي کیدلی.
د جرمني سفیر خک ووئيل،په لومړني فرصت کې به د جرمنی حکومت ته دایران داسلامی جمهوریت اعتراض ورسوي.
