ایران د آنروا پر وړاندې د صهیونیسټي رژیم پریکړه وغندله
په ملګرو ملتونو کې د ایران سفیر او دایمي استازي، د فلسطین د کډوالو د ادارې (آنروا) په نښه کولو لپاره د اسرائیلي رژیم د وروستۍ فیصلې په غندلو سره وویل: غزه د تباهۍ او کړاوونو د زغملو په حال کې ده.
د سحاب د خبر له مخې، په ملګرو ملتونو کې د ایران سفیر او دایمي استازي امیر سعید ایرواني د فلسطین په هکله د ملګرو ملتونو د امنیت شورا په غونډه کې وویل: آنروا په غزه کې د ټولو بشري اړتیاوو د ملا تیر دی او د صهیونیسټي رژیم له خوا د هغې په نښه کول، فلسطینیان له حیاتي مرستو څخه محروموي.
ایرواني زیاته کړه: له دوو اونیو ډېره موده کېږي چې غزې ته ټولې بشري مرستې بندې شوي دي.
په ملګرو ملتونو کې د ایران سفیر په دې خبرې سره چې د اسرائیلو توکم پاله او نیواکګر رژیم د نړیوالې سولې او امنیت لپاره یو اصلي ګواښ دی څرګنده کړه: په غزې تړانګه کې د اسرائیلي رژیم د پراخو او سیستماتیکو جنایتونو پر وړاندې بې حده معافیت او له بې قید او شرطه سیاسي، پوځي او هغه اقتصاد ملاتړ چې د ځینو غربي ملاتړو په ځانګړې توګه له امریکا څخه یې ترلاسه کوي، یوازې دغه رژیم په ټوله سیمه کې د خپلو تیري کوونکو او پراخو سیاستونو په دوام ورکولو کې نور هم بې رحمه کړی دی.
ایرواني پر دې خبرې په ټینګار سره چې د ملګرو ملتونو د امنیت شورا په یوه حساس پړاو کې ده وویل: دغه شورا باید د صهیونیسټي رژیم د جنګي ماشین د بندولو او د نسل وژنې، جګړې او تیریو د مخنیوي لپاره پریکنده اقدام وکړي.
