د ایران لپاره د جاجونې معیار د امریکا د حکومت کړچار دی
ایرنا خبري اژانس راپور راکړی د ایران د اسلامي جمهوریت د بهرنیو چارو وزارت ویاند «اسماعیل بقايي» په دې خبرې سره چې په امریکا کښې د بیلابیلو حکومتونو د تیرو وختونو له سیاستونو او کړچارونو څخه ډیرې ترخې تجربې لرو وویل: هغه څه چې د ایران لپاره مهم او د جاجونې معیار دی د امریکا د حکومت کړچار دی.
هغه په امریکا کښې د ولسمشرۍ د انتخاباتو ترسره کیدا ته په اشارې سره نن وویل: انتخابات د واشنګټن په تیرو غلطو کړچارونو کښې د بیاکتنې لپاره یو فرصت دی.
د ایران د بهرنیو چارو د وزارت ویاند اسماعیل بقايي زیاته کړه د امریکا د ولسمشر انتخابول د دغه هیواد د خلکو پرغاړه دي او د امریکا خلکو اوس خپل انتخاب کړی دی.
د امریکا د وړمه ورځې په انتخاباتو کښې د امریکا د ریپلیکن ګوند کاندید او پخواني ولسمشر ډونالډ ټرامپ د ډیموکراټ ګوند کاندیدې کامالا هریس ته په ماتي ورکولو سره یوځل بیا ولسمشر شو.
