صهیونیسټي پوځیانو د لبنان په سویل کښې په خبریالانو ډزې وکړې
Nov 28, 2024 03:54 Asia/Kabul
د صهیونیسټي رژیم پوځ د اوربند د ټینګیدو په اوله ورځ د لبنان په سویل کښې په خبریالانو ډزې وکړې او یوشمیر په کښې زخمي شول.
د مهر خبري آژانس د خبر له مخې، پرون چهارشنبه د صهیونیسټی رژیم پوځیانو د لبنان په جنوب کښې په «الخیام» ښارګوټی کښې په خبریالانو ډزې وکړې او یوشمیر یې ژوبل کړل.
له بلې خوا صهیونیسټي پوځ ادعا وکړه چې څلور تنه یې د «مشکوک کسانو» په نوم نیولي او د لبنان په جنوب کې یې د نیواکګرو ځواکونو پوستو ته بوولي دي او پوښتنې ترې روانې دي.
سربیره پردې، د اسراییلو پوځ اعلان وکړ چې دوی به نن د ماښام له 5 بجو څخه تر سبا (پنجشنبه) د سهار تر 7 بجو پورې د لیتاني سیند سویل ته د خلکو د تګ راتګ مخه ونیسي.
ټیګونه
