په سورئې کې تکفیری ترهه ګرو ډلو بیا فعالیداخطرناک اړخونه لری
د ایران د اسلامی جمهوریت د خارجه وزارت ویندوي دسورئې د تیرو څو ورځو بدلونونو باندې په غبرګون کې په سورئې کې د تکفیری ترهه ګرو ډلو د بیا فعالیدا په باب په خبرداري ورکولو سره ، په سیمې کې د ترهه ګرۍ د پراختیا د مخنیوي لپاره دغږمله او پریکنده اقداماتو غوښته وکړه.
زمونږخبریال د ایرنا له قوله راپور راکړی، د ایران دخارجه وزارت ویندوئ اسماعیل بقائی بیګا دترهه ګرو د ټولو شکلونو او مظاهرو په محکومولو سره په وروستیو څو ورخو کې په سورئې کې د ترهه ګرو ډلو ټپلو خوځښتونه د لویدیځي آ سیا سیمې د ناکراره کولو لپاره د امریکا او ترهه ګر وحشي صهیونیسټي رزيم د سپيرو پلانونو یوه برخه وبلله او او ددغې خطرناکې دسیسې د شنډولو لپاره د سیمې د هیوادونو په تیره بیاد سورئې د ګاونډیو هیوادونو د غږملتیا او هوښیارۍ په ضرورت ټينګار وکړ.
د ایران د اسلامی جمهوریت د خارجه وزارت و یندوي روښانه کړې ده ، د آستاني بهیر د درو ضامنو هیوادونو (روسیې،ایران او ترکیې)ترمینځ د موجودو موافقو په اساس، حلب او ادلب شاوخوا سیمې د کم تاؤتریخجنو سیمو برخې حسابیږي او په دغو سیمو باندې د ترهه ګرو ډلو حمله د آستانې د بهیر د موافقو څ رګنده خلاف ورزي ده.
اسماعیل بقائي همدرااز د ترهه ګرۍ له سپيرې بلا سره د مخنیوي او مبارزې لپاهر د نړیوالې ټولنې د ګډ مسئولیّت په یادونې سره خبرداری ورکړ چې په سورئې کې له ترهه ګرو خوځښتونو سره په مقابلې کې هرډول ځنډ په تیرو کلونو کې له ترهه ګرۍ سره د مبارزې ټوله بریاوې له خطرې سره مخ کوي او سیمه به د بې ثباتۍ او ناکرارۍ یوه نوي دور ته وارده کړي.
ترهه ګرو ډلو ټپلو په وروستیو څو شپو ورځو کې د سورئې په شمال ختیځ ، حلب او ادلب ښارونو په شاوخوا کې تاؤتریخجن خوځښتونه پیل کړي دي چې دسورئې له چورلټ ځواب سره مخ شوي دي. په همدې ارتباط په سورئې کې د ملی پخلاینې لباهر د حمیمیم روسی مرکز وئیلي دي، د روانې نومبرمیاشتې له ۲۷نیټې راهسې په ادلب او حلب کې د سورئې د پوځ په مرکزونو باندې له حملو وروسته د النصره جبهې کابو ۴۰۰ ترهه ګر هلاک شوي دي.
