ترکیې په سوریې کښې په کرد ځواکونو باندې حملې کړي دي
ایرنا خبري اژانس راپور راکړی د ترکیې جنګي الوتکو د سوریې د حلب شار په شمال ختیځ کښې د سوریې د کرد ډیموکراټیکو ځواکونو یعني د قسد د ځواکونو په مرکزونو باندې بمبارې وکړې.
د ترکیې جنګي الوتکو پرون د سوریې د حلب ولایت په شمال ختیځ کښې د عین العرب(کوباني) په خوا کښې په سبت کلي کښې د سوریې د کرد ډیموکراټیکو ځواکونو یعني د قسد په عسکرو باندې بمباریانې وکړې.
د ترکیې د پوځ توپونو هم د سوریې د حسکه ولایت په شمال لویدیځ کښې د ابو راسین ښار په خوا کښې په الخضروایه کلي کښې د سوریې د کرد ډیموکراټیکو ځواکونو په مرکزونو باندې حملې وکړې.
په تیرو څو ورځو کښې د سوریې د کرد ډیموکراټیکو ځواکونو او د ترکیې تر ملاتړ لاندې ځواکونو په تیره بیا د سوریې د ملي پوځ په نوم د وسله والې ډلې ترمینځ یوشمیر جنګونه شوي دي.
ترکیې د سوریې د ولسمشر بشار اسد د حکومت په پرځولو کښې مهم رول لرلی او دغه هیواد له «هیات تحریر الشام« ترهګرې ډلې سره هر ډول پوځي ، مالي او استخباراتي مرستې کوي.
