د اسرائیلو نیواکګر رژیم په سیمه کښې مطلق شر دی
ایرنا خبري اژانس راپور راکړی د لبنان د پارلمان مشر نبیه بیري د مینځني ختیځ په چارو کښې د امریکا د استازي له مرستیالې «مورګان اورتګاس» سره په کتنه کښې اسرائیل مطلق شر وباله او ټینګار یې وکړ:
خپلو ژمنو ته د صهیونیسټ رژیم پاې بندۍ او د لبنان له خاورې په کامل ډول وتل ضروري دي.
د لبنان د پارلمان مشر نبیه بیري پرون د مینځني ختیځ په چارو کښې د امریکا د استازي د مرستیالې مورګان اورتګاس کوربه و.
د لبنان د پارلمان مشر بنیه بیري په دغه کتنې کښې ټینګار وکړ: اسراییل مطلق شر دی او د لبنان د خاورې د نیواک دوام به ځان پسې مقاومت ولري.
هغه وویل اسرائیل باید د ملګروملتونو د امنیت شورا اولس سوه لومړی پریکړه لیک او د هغه په سر کښې د لبنان له ټولو خاورو څخه شاتګ کول اجرا کړي.
د امریکا استازي مورګان اورتګاس دغه راز د لبنان له پخواني لومړي وزیر نجیب میقاتي سره هم کتنه او خبرې وکړې.
د لبنان پخواني لومړي وزیر نجیب میقاتي هم د امریکا له استازي مورګان اورتګاس سره په کتنه کښې وویل مونږ له امریکا غواړو چې د روان میلادي کال د فرورۍ د میاشتې په اتلسمه نیټه د لبنان له جنوب څخه د اسرائیلو په کامل ډول د وتلو سریزې برابرې کړي.
هغه وویل صهیونیسټ رژیم باید د لبنان په سرحدي سیمو کښې په ښارګیو او کلیو کښې سیسټاماټیکې ورانکارۍ بندې کړي.
نجیب میقاتي وویل د نړیوالو پریکړه لیکونو اجرا ته پاې بندۍ به په سیمه په تیره بیا د لبنان په جنوب کښې د ثبات د ټینګیدا سبب شي.
صهیونیسټ رژیم تراوسه له اوربند سره سره په سلګونو ځله د لبنان پرضد حملې او خلاف ورزیانې کړي دي.
