د اوکرایین ولسمشر زلنسکي د عربستان پلازمینې ریاض ته رسیدلی
زمونږ خبریال راپور راکړی د اوکراین ولسمشر زېلېنسکي د امریکا او اوکرایین ترمنځ له مذاکراتو یوه ورځ مخکې عربستان ته تللی.
د اوکرایین ولسمشر ولادیمیر زېلېنسکي په دغه هېواد کې د جګړې پای ته رسولو په موخه له امریکا سره تر مذاکراتو یوه ورځ مخکې د سعودي عربستان پلازمېنې ریاض ته رسېدلی دی.
الجزیرې ټیلي ويژن پرون راپور ورکړی چې زېلېنسکي ریاض ته تللی او ټاکلې ده د سعودي له ولیعهد محمد بن سلمان سره خبرې وکړي.
ټاکل شوې ده چې دواړه لوري به د اوکرایین جګړې ختمولو په موخه وغږېږي.
زېلېنسکي ویلي چې هغه په خپله له امریکايي پلاوي سره مذاکراتو کې ګډون نه کوي، خو د اوکرایین بهرنیو او دفاع وزیران، یو جګپوړی پوځي چارواکی او د دفتر رییس به یې د پلاوي برخه وي.
د امریکا بهرنیو چارو وزیر مارکو روبیو وار دمخه له اوکراییني چارواکو سره د خبرو لپاره سعودي عربستان ته رسېدلی دی.
د منځني ختیځ لپاره د امریکايي ولسمشر ډونالډ ټرمپ ځانګړي استازي استیو ویتکاف ویلي چې تمه کېږي په دغو مذاکراتو کې به د اوکرایین جګړې پای ته رسولو لپاره پرمختګ وشي.
