د امریکا کشتۍ د سویز اوبلارې پرځاې له افریقا څخه تګ کوي
ایرنا خبري اژانس راپور راکړی د امریکا د سپینې ماڼۍ د ملي امنیت سلاکار مایک والټز وویل د یمن حملو د امریکا د بیرغ لرونکي پینځه اویا فیصده کشتیانې مجبوره کړي دي چې د افریقا د لوې وچې لاره غوره کړي.
هغه وویل د امریکا بیرغ لرونکي پینځه اویا فیصده کشتیانې مجبوره دي چې له سویز اوبلارې د تیریدا پرځاې د افریقا له جنوبي سواحلو تیرې شي.
مایک والټز دغه راز ادعا وکړه چې په یمن باندې د امریکا په وروستیو حملو کښې د یمن د توغندوي پروګرام د مشر په شمول د حوثیانو مهم مشران شهیدان شوي دي.
د امریکا د ملي امنیت سلاکار مایک والټز وویل مونږ د یمن په مرکزونو، ارتباطي مرکزونو ، د وسلو په کارخانو او حتی د بې پایلوټه الوتکو د جوړولو په تاسیساتو باندې بریدونه کړي.
هغه وویل د امریکا ولسمشر ټرامپ او د هغه حکومت فیصله کړي ده چې د یمن پرضد سخت اقدامات ترسره کړي.
د کشتیو د تګ راتګ د تحقیقاتو شرکت ایل ایس اي جي وویل د افریقا له جنوبي سیمو د کشتیو تګ راتګ د اروپا او د اسا ترمینځ د کشتیو د سفر وخت دوه برابره کړی او د کشتیو لګښت یې کابو یو میلیونه ډالره نور هم زیات کړی دی.
