د اسرائیلو ناجایز او ظالم رژیم په یمن بریدونه وکړل
ایرنا خبري اژانس راپور راکړی د اسرائیلو د پوځ راډیو وویل چې د دغه رژیم هوايي ځواک د یمن په لویدیځ کښې په الحدیده بندر باندې خپلې حملې پیل کړي دي.
په عین حال کښې رویټرز خبري اژانس هم د عیني کتونکو په قول وویل چې د یمن په لویدیځ کښې په الحدیده بندر کښې د چاودنو څو غږونه اوریدل شوي دي.
د صهیونیسټ رژيم پوځ څو ساعته مخکې ویلي وو نیت لري چې د سره سمندر په ساحل کښې د یمن په دریو اصلي بندرونو باندې هوايي حملې وکړي.
په دغو بندرونو کښې الحدیده ، راس عیسی او الصلیف شامل دي.
د اسرائیلو د ناروا رژیم پوځ وویل د الحدیده د بریښنا د مرکز د خالي کولو حکم یې ورکړی او دغه حملې به هغه څه ته په غبرګون کښې چې په سیمه کښې یې پوځي فعالیتونو ونومول شوي ترسره کړي.
الجزیرې ټيلي ويژن هم د یمن د انصار الله غورځنګ د رسنیو په قول وویل د صهیونیسټ رژيم جنګي الوتکو په الحدیده بندر باندې یوشمیر حملې وکړې.
المیادین ټیلي ويژن وویل صهیونیسټ رژيم په شلو هوايي بریدونو سره په یمن پوځي تیري وکړل.
