د سوریې د حماه ولایت خلکو د صهیونیسټ رژيم تیري وغندل
ایرنا خبري اژانس راپور راکړی د سوریې د پلازمینې دمشق په شمال کښې د حماه ولایت وسیدونکو د مظاهرو په ترسره کولو سره په خپل هیواد باندې د صهیونیسټ رژيم تیري وغندل.
د سوریې د حما ولایت وسیدونکو په تیره بیا د حماه ښار خلکو د ښارونو په اصلي میدانونو کښې په غونډو جوړولو سره د خپل هیواد په کورنیو چارو کښې د صهیونیسټ رژيم د لاسوهنې په ختمیدا ټینګار وکړ.
په دغو مظاهرو کښې ګډون کونکو د خبرو اترو له لارې د داخلي مشکلاتو د حل کولو غوښتنه وکړه.
څو ساعته مخکې د سوریې په حلب ولایت کښې په سوریې باندې د صهیونیسټ رژیم د تیریو د غندلو لپاره ورته مظاهرې وشوې.
د صهیونیسټ رژيم جنګي الوتکو پرون د یوشمیر هوايي بریدونو په ترسره کولو سره د سوریې د ولسمشرۍ په ماڼۍ چې په «قصر الشعب» مشهور ده او د دمشق په خوا کښې د «قاسیون» غره په لمن کښې پرته ده بمباریانې وکړې.
د دغو تیریو په دوام کښې د دمشق په «امویین» میدان کښې د سوریې د لوی درستیزوالۍ په ودانۍ باندې د صهیونیسټ رژیم جنګي الوتکو څلور هوايي حملې وشوې.
دا لومړی ځل نه دی چې صهیونیسټ رژیم د امنیتي ادعاګانو په مطرح کولو سره د سوریې په خاوره باندې حملې کوي.
د سوریې د پخواني ولسمشر بشار اسد د حکومت له نسکوریدا وروسته صهیونیسټ نیواکګرانو د سوریې یوشمیر سیمې نیولي دي او په بیلابیلو پلمو سره یې سختې هوايي حملې کړي دي.
په سوریې کښې د بشار اسد د حکومت له نسکوریدا وروسته د موقته ولسمشر محمد ابو الجولاني ته له اړونده عناصرو سره د سوریې د دروزیانو څو ځله جنګونه شوي دي.
