صهیونیسټ رژیم له ماتي سره مخامخ شوی دی
ایرنا خبري اژانس راپور راکړی د یمن د انصار الله غورځنګ د سیاسي دفتر غړي «حزام الاسد» په دې خبرې باندې ټینګار سره چې په یمن باندې د نیواکګرانو بریدونه له غزې تړانګې څخه زمونږ په ملاتړ باندې هیڅ اغیز نلري ډاګینه کړه
د یمن د ملت پرضد د صهیونیسټ نیواکګر رژيم تیري له ماتي سره مخامخ شوي دي او د دښمن لپاره به یوازې ناکامۍ او ناهیلۍ ځان پسې ولري.
حزام الاسد وویل هغه څه چې زمونږ لپاره مهم دي د فلسطین د غزې تړانګې پرضد د تیریو بندول او د دغه سیمې د کلابندۍ پاې ته رسول دي.
هغه ډاګینه کړه د یمن مومن او مجاهد ملت به هماغه راز په غزې تړانګه کښې د فلسطین له ملت څخه خپل ملاتړ ته دوام ورکړي او د هغه لګښتونه ورکوي.
د یمن د انصار الله غورځنګ د سیاسي دفتر غړي حزام الاسد مخکې هم په یو لړ څرګندونو کښې ټینګار وکړ له غزې تړانګې ملاتړ له ټولو لګښتونو سره سره چې لري یې دوام لري.
د یمن د سیاسي دفتر بل غړي «محمد البخیتي« هم له «فلسطین الیوم» ټیلي ويژن سره په مرکه کښې وویل په یمن د اسرائیلو تیری د صهیونیسټ رژيم پرضد د عملیاتو د دوام لپاره زمونږ اراده او هوډ دوه چنده کوي او د فلسطین او د غزې تړانګې په هکله زمونږ ثابت دریځ به هیڅکله بدل نشي.
هغه وویل د اسرائیلو دغه تیري غچ اخیستونکي دي او د صهیونیسټ رژيم پرضد زمونږ حملې دوام لري.
پرون په یمن باندې د صهیونیسټ جنایتکار رژيم په حملو کښې څلور بې ګناه خلک شهیدان او اوه څلویښت نور ژوبل شوي دي.
