د امریکا ډيپلوماټ د ډانمارک خارجه وزارت ته احضار شو
ایرنا خبري اژانس راپور راکړی رویټرز خبري اژانس د ډانمارک د «ډي ار» رسنۍ په قول وویل د دغه هیواد خارجه وزیر په کوپنهاګ کښې د امریکا د سفارت لوړرتبه ډيپلوماټ په ګرینلینډ کښې د امریکا د ښاریزو لخوا د نفوذ د عملیاتو د ترسره کولو په هکله د راپورونو په دلیل احضار کړی دی.
د امریکا ولسمشر ډونالډ ټرامپ مخکې ویلي وو چې د ملي او د نړیوالو دلایلو په وجه غواړي د ګرینلینډ سټراټيژیکه قطبي جزیره چې له معدني موادو ډګه ده ونیسي.
ټرامپ دغه هدف ته د رسیدا لپاره له زور څخه کار اخیستل هم نه دي رد کړي.
ډي ار رسنۍ د ناپيژاندو سرچینو په قول ولیکل د ډانمارک حکومت باوري دی چې د ټرامپ حکومت ته اړونده د امریکا کابو دریو ښاریزو د ډانمارک په قلمرو کښې د نفوذ په پټو عملیاتو کښې لاس لرلی دی.
د امریکا سفارت په یوې بیانیې کښې وویل حاضردمه مارک سټرو(Mark Stroh) چې د سفارت شارډز افیر دی د نمایندګۍ د چارو مدیریت کوي.
