د لوېدیځې آسیا هېوادونو ته د ایران صادرات زیات شوي دي
پارس ټوډې - د ایران د اسلامي جمهوریت د سوداګرۍ پراختیا سازمان د لوېدیځې اسیا دفتر مشر وویل: د روان کال په لومړۍ نیمایي کې د سیمې یو شمېر هېوادونو لکه ترکیې، قطر، عمان او بحرین ته د ایران صادرات زیات شوي دي.
د ایران د سوداګرۍ پراختیا سازمان د لوېدیځې اسیا دفتر مشر عبدالامیر ربیهاوي وویل: د احصایو له مخې، د لوېدیځې آسیا هېوادونو لکه ترکیې، قطر، عمان او بحرین ته صادراتو د روان کال په لومړیو شپږو میاشتو کې د ۸ تر ۹ سلنې زیاتوالی موندلی، چې په دې سیمه کې د ایران د بهرنۍ سوداګرۍ مثبت پرمختګ ښيي.
ربیهاوي د دې په بیان سره چې د لوېدیځې آسیا هېوادونو د سوداګرۍ ټولیزه کچه له ۲۰۳۷ میلیارد ډالرو څخه زیاته ده وویل، او اوس مهال د ایران ونډه له دې شمېرې یو سلنه کمه ده، خو موږ د دې ونډې د زیاتولو لپاره روښانه نقشه لرو. زموږ موخه له ترکیې سره د ۳۰ میلیارد ډالرو، له عراق سره د ۲۰ میلیارد ډالرو او له عمان سره د ۵ میلیارد ډالرو سوداګرۍ هدف دی.
