د امریکا د ملي امنیت پخوانی سلاکار تر تعقیب لاندې ورغی
ایرنا خبري اژانس راپور راکړی د امریکا د عدلیې وزارت د دغه هیواد د ملي امنیت پخوانی سلاکار او په اوسني ولسمشر ټرامپ باندې نیوکه کونکی جان بولټن تر تعقیب لاندې وروست.
بلومبرګ سایټ نن سهار د یوې خبرې سرچینې په قول چې نوم یې نه دی ایشوا شوی وویل د امریکا په مریلینډ ایالت کښې یوه لوړرتبه منصفه پلاوي جان بولټن د پټو سندونو د لرلو په دلیل تر تعقیب لاندې وروست.
سي این این ټيلي ويژن د دوو خبرو سرچینو په قول دغه خبر تائید کړ.
جان بولټن د نیویارک له لوی څارنوال «لتیشیا جیمز» او د ایف بي ايي ادارې د پخواني مشر «جیمز کومې» وروسته د امریکا په ولسمشر دریم نیوکه کونکی سړی دی چې تر تعقیب لاندې وروستل شوی.
د امریکا فیډرال پولیسو «ایف بي ايي» په تیرې اګست میاشت کښې په مریلینډ ایالت کښې د ملي امنیت د پخواني سلاکار جان بولټن د کور او په واشنګټن کښې د هغه د دفتر تلاشۍ اخیستې وې.
په هغه وخت کښې یوې سرچینې این بي سي نیوز ټيلي ويژن ته ویلي وو دغه پلټنې د پټو مدرکونو د لټولو لپاره د ملي امنیت د تحقیقاتو یوه برخه ده.
د جان بولټن وکیل په ځلونو دغه تحقیقاتو ته په غبرګون کښې ویلي هغه سندونه چې پټ دي او جان بولټون سره دي د پخواني ولسمشر جارج ډبلیو بوش د حکومت وخت ته یعني هغه وخت ته وګرځي چې بولټن په ملګروملتونو کښې د امریکا سفیر و او اساسا داسې سندونه دي چې د حکومت د یوه پخواني کارکونکي په لاس کښې دي.
