فرانسې په ګرینلینډ کښې د ناټو د پوځي مانورې غوښتنه وکړه
ایرنا خبري اژانس راپور راکړی د فرانسې ولسمشر «امانوئل مکرون» نن وویل چې پاریس په ګرینلینډ جزیرې کښې د ناټو د پوځي مانورې د ترسره کولو غوښتنه کړې ده او په دغه مانورې کښې ګډون کولو ته تیار دی.
د الیزه ماڼۍ وویل چې فرانسې د امریکا د ولسمشر ټرامپ له ګواښونو سره د مقابلې لپاره چې غواړي د نیمه کورواکه ګرینلینډ سیمې کنټرول په لاس کښې واخلي د ډانمار د قلمرو په دغه سیمه کښې د ناټو د پوځي مانورې د ترسره کولو غوښتنه کړې ده او په دغه مانورې کښې د ګډون لپاره یې خپل چمتو والی اعلان کړی دی.
د الیزه ماڼۍ لخوا دغه بیانیه وروسته له دې خپریږي چې د فرانسې په شمول څو اروپايي هیوادونو تیره اونۍ د ناڼو په مشرۍ د پیژندنې د یوه ماموریت د برخې په توګه خپل ځواکونه دغه جزیرې ته استولي دي.
د فرانسې ولسمشر امانوئل مکرون پرون د سویزرلینډ په ډاووس کښې د اقتصاد د نړیوالې ټولنې په غونډې کښې له امریکا سره د ګرینلینډ له یوځاې کیدا سره د اروپايي هیوادونو د مخالفت په بڼه کښې د تجارتي تعرفو د لګولو لپاره د امریکا د ولسمشر ټرامپ ګواښ ته په اشارې سره وویل اروپا بدمعاشۍ ته نه تسلیمیږي او مرعوبه نه کیږي.
