د ایران اسلامي انقلاب د مقاومت چورلیز رامینځته کړ
ایرنا خبري اژانس وايي په ایران کښې د فلسطین د جهاد اسلامي غورځنګ استازي ناصر ابوشریف وویل امام خمیني رحمت الله علیه یوازنی کس و چې په اوسمهاله تاریخ کښې د انبیا شخصیت ته نږدی دی .
هغه پرون د امام خمیني رح او د اوسمهاله نړۍ په نړیوال ویډیويي کانفرنس کښې وویل د ایران له انقلاب مخکې اسلامي نړۍ په اوسمهاله جاهلیت کښې ژوند کاوه خو د حضرت امام خمیني رح انقلاب سبب شو چې خلک له جاهلیت څخه شلمې (۲۰) پیړۍ ته ورشي .
ابوشریف ډاګینه کړه حضرت امام خمیني رح د شلمې (۲۰) پیړۍ په پیل کښې اسلام ژوندی کړ او د هغه لومړۍ بریا د ایران د خلکو ازادۍ وه چې په ایران کښې د بنیادي او د اساسي بدلونونو سبب شوه .
هغه وویل د ایران اسلامي انقلاب یوازې د ایران خلکو ته بیل نه دی بلکې د اسلام او د بشري ټولنې لپاره یو(۱) انقلاب دی او په همدې دلیل دغه انقلاب وتوانید په سیمه ، نړۍ او په تیره بیا فلسطین کښې ستر بدلون رامینځته کړي .
په ایران کښې د فلسطین د جهاد اسلامي غورځنګ استازي ابو شریف ټینګار وکړ که چیرې د ایران اسلامي انقلاب د مقاومت چورلیز نه وائ رامینځته کړی نن به امریکا او اسرائیل په اسلامي دنیا کښې بریالي وو او خپلو ټولو هدفونو ته به رسیدلي وو .
