ایران د بین الافغاني خبرو اترو د دوام لپاره تیار دی
ایسنا خبري اژانس وايي د ایران د اسلامي جمهوریت خارجه وزیر محمد جواد ظریف ټینګار وکړ تهران د بین الافغاني خبرو اترو د دوام لپاره چمتو دی .
جواد ظریف نن د تهران د بین الافغاني خبرو اترو د غونډې په پاې کښې په وینا کښې د افغانستان د حکومت او د طالبانو د پلاویو په مننې سره چې په دغو خبرو کښې یې سوله او د افغانستان د خلکو سوکالۍ او راحتي د مذاکراتو لومړیتوب وګرځوه وویل په سولې کښې شجاعت په جنګ کښې له زړورتیا ډیر مهم دی .
د ایران خارجه وزیر جواد ظریف وویل د سولې لپاره باید سرشیندنه ولرو او له ډیرو غوښتنو تیر شو او د بل لوري غوښتنو ته پام وکړو په تیره بیا دغو خبرو کښې چې بل لوری نلری او دواړه لوري خپل وروڼه او هم د افغانستان د ملت لپاره د سولې او د ارامښت په لټه کښې دي .
جواد ظریف دغه راز وویل داسی ملت چې څلویښټ (۴۰)کاله کیږي په کړاو کښې دی حق لري چې د جنګ مخالف وي .
هغه ویل له دغه فرصته استفاده وکړئ او زر تر زره په افغانستان کښې جنګ پاې ته ورسوئ او خلکو ته د پراختیا فرصت ورکړئ .
د ایران خارجه ټینګار وکړ د ایران اسلامي جمهوریت تل چمتو دی چې په هره بڼه چې وي د افغانستان د سولې د خبرو اترو د دوام لپاره اسانتیا رامینځته کړي .
