د افغانستان له موقته حکومت سره د ایران امنیتي مشورې روانې دي
مهر خبري اژانس وايي د ایران د باندنیو چارو وزیر حسین امیر عبداللهیان په دې خبرې سره چې د افغانستان له واکمن پلاوي سره د ایران امنیتي مشورې روانې دي ټینګار وکړ د افغانستان سرپرست واکمن پلاوی په دغه هیواد کښې د سولې د ثبات او د امنیت د رامینځته کولو په وړاندې مسول دی .
د ایران د بهرنیو چارو وزیر حسین امیر عبداللهیان پرون په تهران کښې د پاکستان د باندنیو چارو له وزیر شاه محمود قریشي سره له کتنې او خبرو اترو وروسته په خبري کانفرنس کښې وویل په افغانستان کښې د ټولو قومونو په ګډون سره د پراخ بنسټه حکومت جوړول د ترټولو مهمې سیاسي لارې په توګه مخ ته لرو او مونږ هماغه راز په افغانستان کښې له ټولو لورو سره خپل تماسونه تعقیبوو .
د ایران خارجه وزیر په دې خبرې سره چې له اوسني حالته د وتلو لپاره له افغانستان سره د مرستو لپاره د ایران ټولې سرحدي لارې له افغانستان سره د سرحدي تجارتونو لپاره خلاصې دي وویل افغانستان ته د ایران د سرحدونو له لارې د انسان دوستانه مرستو د استولو په لړ کښې د اسانتیا د برابرولو لپاره بشپړه چمتو والی لرو .
هغه وویل په سرحدي بازارونو کښې به له افغانستان سره د ایران ملګرتیاوې دوام ولري .
د ایران خارجه وزیر حسین امیر عبداللهیان وویل له دوست او ورور هیواد پاکستان سره مو موافقه وکړه چې د افغانستان د ګاونډیو هیوادونو د خارجه وزیرانو په غونډې کښې چې نن په تهران کښې جوړیږي د افغانستان د خلکو ، د نړیوالې ټولنې او د افغانستان د موقته او سرپرست حکومت لپاره واحد پیغام ولرو .
