د ایران د ایټمي تاسیساتو ګواښ ته غاښ ماتوونکې ځواب وایو
د ایران د وسله والو ځواکونو د مرکزي قرارګاه «خاتم الانبیا» (ص) قومندان خبرداری ورکړ چي د ایران د اسلامي جمهوریت د ایټمي او فوځي تاسیساتو په ضد هر ډول ګواښ به د وسله والو ځواکونو له پرېکنده ځواب سره مخامخ شي.
د خاتم الانبیا (ص) د مرکزی قرارګاه قومندان جنرال «غلامعلی رشید» وویل چي د ایران د فوځي او ایټمي تاسیساتو هر ډول ګواښ د وسله والو ځواکونو له پرېکنده غبرګون سره مخامخیږي.
هغه زیاتوي چي د صهیونیستي رژیم له لوري د ایران د اسلامي جمهوریت د ایټمي تاسیساتو ګواښل د امریکې له ملاتړ او شین څراغ پرته ممکن نه دی.
جنرال رشید په ویانا کې له نړیوالو سره د ایران فعاله ډیپلماسۍ ته په اشارې سره زیاته کړه: که داسي ګواښونه عملي بڼه خپله کړي، د ایران د اسلامي جمهوریت وسله وال ځواکونه بې له شکه به د دښمن په کارول شوي اډې، مسیر او فضا ځپونکي بریدونه تر سره کړي.
وروستیو ورځو کې د صهیونیستي رژیم رسنیو د دې رژیم د جنګ وزیر په حواله لیکلي چي د اسرائیل فوځ په ایران باندې د برید لپاره د چمتوالی فرمان تر لاسه کړې.
