د ایران ورځپاڼو ته کتنه :-
د تهران راډیو د اینټرنیټ پاڼې قدرمنو لوستونکو اوس به ورځپاڼو ته کتنه وکړو هیله ده چې د لوستلو فرصت یې ولرئ .
نن به لومړۍ د تهران چاپ کیهان ورځپاڼه وګورو .
په قزاقستان کښې د اوو (۷)ورځو له بلواو وروسته د دغه نولس (۱۹) میلیونه نفوس لرونکي هیواد د کورنیو چارو وزارت وویل په ټول هیواد کښې حالات تر کنټرول لاندي دي او د بلواو مرکز « الماتې » ښار هم تر کنټرول لاندی دی .
د متحده عربي اماراتو د نیول شوي کشتۍ د ډیرو او د واضحو تصویرونو له خپریدا سره سره چې له وسلو او جنګي تجهیزاتو ډکه ده سعودي عربستان ادعا وکړه چې په دغه کشتۍ کښې د یمن د خلکو لپاره بشردوستانه مرستې بار وې .
د عراق د « عصائب اهل الحق » ډلې د سیاسي دفتر غړي «سعد السعدي »وویل هم د هیواد د مقاومت ډلې او هم سیاسي ډلې باوري دي چې امریکا د خبرو له لارې له هیواده نه وځي او د دغه مسلې یوازنۍ حل لاره زور ده .
وروسته له دې چې د فرانسې ولسمشر امانوئل ماکرون وویل نیت لري له هغو کسانو سره چې د کورونا واکسینونه یې نه دي وهلي سخت چلند وکړي د واکسین په زرګونو مخالفانو په واټونو کښې مظاهرې وکړې چې د ولسمشر له چلند سره به مقابله وکړي .
په نایجریا کښې د یوه(۱) ولایت وسیدونکو وویل وسله والو ترهګرو او ورانکارو په خپلو پټنځایونو باندې د پوځ د هوايي حملو د غچ اخیستلو لپاره په اتو (۸) کلیو باندې بریدونو سره دوه سوه (۲۰۰) کسان ووژل .
د روسیې د بهرنیو چارو د وزیر مرستیال «سرګي ریابکوف» د ختیځ په لور د ناټو د پراخولو د موضوع په هکله د امنیتي ضمانتونو په موضوع سره د ماسکو او د واشنګټن ترمینځ د جینیوا د غونډې په درشل کښې وویل روسیه د امریکا دباو ته نه تسلیمیږي او هیڅ امتیاز نه ورکوي .
د صهیونیسټ رژیم« معاریو »ورځپاڼې د دغه رژیم د یوه (۱) تر ټولو جدي کړکیچ په توګه د اسرائیلو د رژیم په چیلنجونو باندې غور کولو سره لیکلي دي په بیړنیو شرایطو کښې د اسرائیلو د داخلي جبهې دړې وړې کیدل د پولیسو او د پوځ د دړې وړې کیدا په معنا دي .
د سوریې په الحسکه ولایت کښې موجودو ځايي سرچینو وویل د امریکا ترهګرو پوځیانو دوې ته د اړونده ملیشا ځواکونو په ملګرتیا سره د «رمیلان» سیمې د تیلو په میدانونو کښې د تیلو یو چاڼ ځای جوړ کړی دی .
د جرمني د عدلیې وزیر مارکو بوشمان د ټیلیګرام اینټرنیټ پاڼې مدیرانو ته په وینا کښې خبرداری ورکړی که چیرې د دغه هیواد د کورنیو قوانینو خلاف ورزۍ ته دوام ورکړي میلیونونو یورو به جرمانه شي .
()
ګرانو ملګرو اوس به د تهران چاپ د اطلاعات ورځپاڼې مهمو سر ټکو ته کتنه وکړو .
د اسرائیلو ګڼ چاپه ورځپاڼې « یدیوت اهارونوت» د صهیونیسټ رژیم پرضد په اینټرنیټي بریدونو د ایران په تورنولوسره وویل چې د ډګر جنرال قاسم سلیماني د شهادت د کلیزې په وخت په صهیونیسټ رژیم سختې اینټرنیټي حملې شوي دي .
د روسیې د بهرنیو چارو د وزیر مرستیال «سرګي ریابکوف» د سویزرلینډ په جینیوا کښې د روسیې او د امریکا خبرو اترو په درشل کښې چې یوه (۱)ورځ وروسته کیږي وویل ماسکو دغو خبرو اترو ته هیڅ هیله نلري او ماسکو به د واشنګټن دباونو ته تسلیم نشي .
د انګلستان یوې(۱) ورځپاڼې په دې خبرې سره چې د یمن له حملو سره د مقابلې لپاره د سعودي عربستان د توغندیو سلاکوټونه خالي شوي دي ولیکل ال سعود د فارس خلیج له څو عربو هیوادونو غوښتي دي چې په پاټریاټ توغندیو باندې د ریاض د سلاکوټ د نور سمبالولو لپاره له عربستان سره مرسته وکړي .
د عراق د نوي پارلمان لومړنۍ غونډه له درې (۳) میاشتې ځنډ وروسته پرون په داسې حال کښې وشوه چې د ځینو استازیو ترمینځ ژبنۍ شخړه وشوه او هغوې یوبل ووهل او د عراق د صدر ډلې ته اړونده د «سرایا السلام » ډلې ځواکونه ناڅاپه د بغداد په ځینو سیمو کښې دیره شول .
د قزاقستان د کورنیو چارو وزارت سرپرست «یرلان تورګو مبایف » وویل په ټول هیواد کښې حالات کراره دي او په ټولو سیمو کښې حالت عادي شوی دی .
د چین ولسمشر شي جین پینګ په یوه (۱) پیغام کښې وویل پیکینګ په قزاقستان کښې د رنګي انقلاب او د ناکرارۍ د رامینځته کولو لپاره له هر ډول هڅې سره مخالف دی .
د فلسطین د ملي ازادۍ غواړي غورځنګ مشر زیاد الصغیر ټینګار وکړ امریکا او صهیونیسټي دښمن د قاسم سلیماني او د ابو مهدي المهندس په ټرور سره د مقاومت د جبهې د کمزوري کولو هڅه کوله خو اپوټه دغه جبهه نوره هم قوي شوي ده .
د عراق په لسګونو زرو خلکو پرون په بصرې ښار کښې د شهید قاسم سلیماني او د شهید ابو مهدي المهندس د شهادت د دوهمې (۲) کلیزې په مناسبت ستره غونډه جوړه کړه .
د ناټو مشر ینس سټولټنبرګ ټینګار وکړ په اوکراین باندې د روسیې د یرغل په بڼه کښې به ناټو لاسوهنه ونکړي ځکه چې اوکراین د ناټو غړی نه دی .
د یمن حکومت وویل سعودي عربستان د متحده عربي اماراتو له وسلو د ډکې کشتۍ د نیولو د بدل اخیستلو لپاره د یمن دوې (۲) کشتۍ چې مایع ګاز او تور تیل پکښې بار وو وتښتولې .
